B女靚馬——信心滿滿利好因素多

  今次係谷草第一個賽馬日,喺啱啱過去嘅開鑼日,唔知各位有冇大豐收呢?由於入場人數放寬咗,相信今晚依然會好熱鬧。

  先睇二場四班千二米隻「財照發」,上季跑同程已好接近,之後五月尾上咗從化,一直操得好密,備戰足足半年,相信蘇偉賢已有爭勝信心。此駒前排試閘沿途輕鬆順走,轉入直路後追勢唔錯,狀態已經到位。莫雷拉喺啱啱開鑼日表現一般,相信今個賽馬日唔會再令馬迷失望,同場我要埋「管得掂」同「美麗友盈」。



  另外四場四班千二米,我就鍾意隻「信心滿滿」,此駒上季只係跑過一次田草,當時跑千二米短途,追勢都似模似樣,再睇佢最近試閘表現唔差,睇嚟五歲馬已開始成熟,加上今場孭輕磅,檔位亦有利,仲要唔係熱門,更加令我鍾意,唔排除佢一出就走入三甲,同場我拖埋「赤馬雄風」同「紅磚勇士」做配腳。

B女


hd