B女靚馬——中華威威又再放到

  今晚谷草跑八場賽事,小妹第一眼就睇中第四場隻「中華威威」,此駒上季尾跑谷草千二米贏馬之後,就上咗從化提早放暑假,不過至今備戰足足三個月,非常有誠意;再睇佢最近一課大閘,沿途前置順住走,睇落狀態唔差。今仗久休復出,勝在準備多時,而且仲排個好檔,只要出閘順利,隨時跨季再下一城。其實今場對手唔算突出,「中華威威」只要交回正常水準,加上配田泰安人馬合拍,有機會再次一放到尾。同場我會揀埋「紅鬃烈馬」同「喜駿之星」。

  另外,第五場心水我揀「同盟力量」,佢上季跑谷草千二雖然只能入位,能力似乎有限,不過姚本輝心急向馬主交代,所以鬥志不用懷疑,況且此駒早前試閘有好走勢,姿態非常輕鬆,現時狀態一定弗過上季,所以今場係一個取勝好機會,期待佢能夠交出好成績。同場我會揀埋「友心友型」同「仲得威」。



B女


hd