B女靚馬——勝得精彩人強馬勇

  今日得兩場泥地賽事,先睇第四場「活力爵士」。此駒上仗久休復出跑第四,經過一場熱身賽,今場再出只會更好。睇返佢上仗出閘反應迅速,沿途亦守好位,但轉彎之際嫌鞍上人發揮猶豫,不過最終都有獎金。今場繼續負輕磅,只要蔡明紹拿捏得好,相信有機會打開勝利之門。同場我會要埋「八卦」同「福喜多多」。

  另一心水馬就推介第七場「勝得精彩」,此駒上季贏千四米,肯定路有專長。睇返佢晨課表現,身形操得好靚,試閘走勢亦吸引,狀態肯定唔差。今場參賽馬唔算多,本身繼續配贏馬拍檔田泰安,我對呢對人馬組合充滿信心。同場我揀埋「達心星」同「飛輪閃耀」。



B女

hd