B女靚馬——紅衣火旺值得再跟

  第五場四班千二米,「紅衣火旺」往績顯示以同程跑得比較好,而騎師方面就次次配田泰安,人馬合作無間。睇番上仗,此駒跑一千雖然嫌短,但早段都夠速度跟前,可惜入彎後攞唔到好位,而且遭對手阻擋,搏失非常唔抵,所以我當佢無跑過。不過見佢衝刺勢頭其實幾好,今場值得再跟進,同場我會揀埋「晨曦飛馬」同「桃花旺」。

  另外,第六場四班一哩我就揀「雙節棍」做膽,今仗回師贏馬路程,當然值得睇好。其實佢上仗狀態已經好好,不過跑千二始終嫌短,所以我忍一忍手,估唔到佢早段留後,直路階段居然愈衝愈順,走勢非常吸引。今場增程角逐最佳出路,我對佢都好有信心,加上同場對手唔太突出,估計好大機會贏出賽事。同場我會要埋「鵲橋飛渡」同「真感」。



B女


hd