B女靚馬——大眾開心跨季再贏

  第七場三班千二米。「富祿」上仗早段其實走位唔差,只可惜直路初段無位衝刺,前方及外側都遭對手阻擋,之後見周俊樂一直搵唔到位,不過接近終點之前,喜見馬兒衝勢幾好,結果跑第五有獎金收。今場再跑谷草千二,賽前曾去從化作準備,而且又有試閘,見佢外觀依然保持好靚,好好彩抽到一檔,只要際遇理想,相信可以補中頭馬。同場我揀埋「十二馬」同「木火同明」。

  第八場三班一哩。我揀「大眾開心」作重心,今仗雖然是季內初出,近況要靠估,但佢上季兩戰同程未輸過,路程性能有保證,今次賽前準備又做到足,加上對手唔太突出,仲配埋贏馬拍檔巴度,只要早段留放恰當,相信好大機會跨季再贏。同場我要埋「協進神駒」同「追風驥足」。



B女


hd