B女靚馬——順意寶應該補中

  第三場四班千二米。「順意寶」上季回降四班後一再接近,證明班次有利。睇返佢上仗久休復出,早段反應甚快,之後沿途貼住內欄,全程都走得好順,可惜直路初被「無可限量」擋住,之後要外移搵位,結果僅僅輸給「源源動力」,非常不值。今次「順意寶」再報爭千二,如無意外應該補中,同場我揀埋「虹鴻」同「佳運發」。

  第四場「勇創派對」今季兩戰都跑谷草一千,兩次都排中外檔,形勢欠佳,不過連場都見佢追勢強勁,證明狀態夠勇。今次移師沙田兼初跑千二,排黃金一檔非常有利,只要莫雷拉發揮得好,絕對有機會打開勝門。配腳我就揀「勝利才子」同「狀元及第」。



B女

hd