B女靚馬——醉醒神千八醒神

  第三場四班千二米。「蒲俠超得」上仗跑谷草一千米走得好順,出閘反應亦佳,入直路後都見佢仲有勁度,走到最後一百五十米才開始放緩,都算有點睇頭。今場排三檔起步,預期早段形勢非常理想,田泰安上仗騎過一次,對馬性會有深刻了解,今晚我都準備入場支持呢對人馬,期待發揮出最佳水準。同場配腳我會揀「有運來」同「生生勝勝」。

  第四場四班千八米。「醉醒神」轉馬房後表現醒神,前仗久休復出拼入大冷T腳,睇番佢直路衝刺有少少阻塞,否則應該會更接近,好彩最終都跑獲季軍,證明丁冠豪接手訓練得宜。翻查賽績,發現此駒過往贏馬都係跑谷草千八,今場繼續孭輕磅,檔位又比之前更好,另外黃皓楠亦一手操住,備戰非常積極,估計今場大有機會贏馬。同場我揀「甲烷」同「雙節棍」做配腳。



B女


hd