• 2022年1月19日 星期三
  • 19º
  • 60%
  • facebook
  • Weibo
  • RSS

B女靚馬——你知我勝人馬合拍

  第六場三班一千米。呢場我揀「你知我勝」做馬膽,佢上仗起步率先彈出,反應非常敏捷,然後就此一放到底贏馬,過程一氣呵成,全程蔡明紹都操控得宜,盡顯人馬合拍,馬匹亦夠忠心。雖然今場升上三班,但勝在負磅唔重,再者此駒狀態愈跑愈弗,對手實力又唔太突出,只要交回上仗水準,今次仲有機會再贏。同場我揀埋「十二馬」同「三生好運」做配腳。
  第八場三班千八米。呢場我就鍾意「皇寶」,佢今季跑同程贏咗兩次,擺明路有專長,而且狀態亦處於高峰,上仗即使初上三班,亦能夠由頭放到尾再下一城,看來評分未遇阻力。今次賽前佢曾往從化操練,部署一如上仗贏馬之時,明顯想再添食,只要早段放得夠順,相信又可以直領到底,坐位望贏應該不難辦到。今場配腳我揀「凌駕」同「天池怪俠」。
B女












hd