任睇No.1
  • 29º
  • 84%
  • 2022年8月15日 星期一

B女靚馬——特攻勝在人馬合拍

第五場四班一千米。呢場我就鍾意「特攻」,佢近兩仗跑同程都發揮得好好,上仗只係僅僅輸畀「萬事有」,可算雖敗猶榮。該賽佢早段反應唔快,然後慢慢移入內欄,直路上仲要不斷搵位,不過望空之後追得好靚,埋門只係差少少就能贏馬,搏殺失手非常可惜。難得賀銘年與馬兒合拍,騎過兩次都上名,我對呢個組合充滿信心,今次只要早少少移出衝刺,就有機會打開勝門。配腳我揀「靚蝦女」同「快一步」。
  第七場三班千二米。我就揀「友心友型」做重心,佢今季五戰同程四奪獎金,而且近兩仗都跑亞軍,表現穩定。上仗佢沿途守內欄,直路望空後衝勢良好,狀態又進一步。今次賽前專誠試閘再加打磨,外觀靚到不得了,照計升班負輕磅仍有可為,只要發揮正常,有力取得季內第二場勝仗。
B女

hd