任睇No.1
  • 28º
  • 91%
  • 2022年6月30日 星期四

B女靚馬——電玩時代備戰積極

第六場四班千二米。我就揀「晉神」做重心,睇番佢上仗輸畀「極速奔馳」,表現絕對唔差,該役早段留得較後,加上排大外檔起步,處境非常被動,直路初再飛出最外疊,雖然蝕位極多,不過最後五十米有力如箭殺上,最後更衝入亞軍,爆發力驚人,證明時值季尾階段,狀態已經逐步復甦。今場再戰谷草千二,幸運地抽二檔起步,而且本身與田泰安都人馬合拍,今場只要早少少發力,相信好有機會補中頭馬。配腳我揀「量化歡騰」同「勁快聯盟」。
  第八場三班一哩。我就鍾意「電玩時代」,佢上仗跑同程得季軍,希威森的發揮算是無可挑剔。馬兒今次賽前曾試大閘,備戰工夫一絲不苟,明顯有心收復前失,而且該課大閘牠更進一步,令我對其信心大增。今次繼續排靚檔,一定會把握機會爭取勝利。
B女

hd