任睇No.1
  • 28º
  • 84%
  • 2022年6月30日 星期四

B女靚馬——無心睡眠 勝完再勝

第五場泥地四班千二米。我揀「電子兄弟」做重心,佢上仗早段放得好快,沿途走二疊拍住放頭馬,雖然走位稍稍蝕章,但直路衝刺依然有力,結果都保住殿軍論表現繼續保持水準。今場再跑泥地千二,上仗三甲馬統統不在,難得強手遠去,本身負磅亦輕,已經一再於泥地試準性能,相信今次會有更佳演出,有力打開勝利之門。配腳我揀「勝意龍」同「中華威威」。
  第七場泥地三班一哩。「無心睡眠」上仗跑同程輕鬆取勝,表現予人驚喜。當時佢早段貼欄有遮擋,沿途留守包廂靚位,一入直路即移出望空衝刺,結果愈衝愈勁,最終贏出賽事,全程發揮一氣呵成,可見鄭俊偉已經摸通竅門。今次繼續抽好檔起步,同場參賽馬亦唔多,只要發揮出上仗水準,相信仲有機會再勝。
B女

hd