• 2022年5月23日 星期一
  • 24º
  • 89%
  • facebook
  • Weibo
  • RSS

B女靚馬——紅麗舍人強馬勇

第五場四班千八米。我揀「紅麗舍」做重心,佢上仗早段置中競跑,沿途走勢非常順暢,但可惜被頂在三疊轉彎,走位非常蝕章,雖然直路階段衝刺欠勁,但也未有力弱,能夠一直維持均速過終點,最後得第六名,我認為呢匹九歲老馬尚有戰鬥力。今場瞄準田草千八重臨,並且扳用莫雷拉,人強馬勇加上路有專長,相信好有機會重開勝門。配腳我揀「巴基之友」同「香港精神」。
  第七場三班一千米。我就鍾意「魅影揚飛」,佢上仗跑同程輕鬆取勝,表現予人驚喜。計一計數,此駒近五仗連奪兩贏三位,七歲老馬喜逢第二春,相信幕後會把握機會乘勢再拼。今次賽前休息近兩個月,兼且曾上從化培養新鮮感,期間工夫做到足,上月中又有大閘綵排,備戰非常積極,相信好有機會再下一城。配腳我揀「攻頂」同「電源之駒」。
B女

hd