任睇No.1
  • 28º
  • 85%
  • 2022年6月30日 星期四

B女靚馬——風繼續吹縮程賺級數

第五場四班一千米。我就鍾意「風繼續吹」,佢上仗跑千二都表現唔差,出閘後一直守住內欄,沿途跟前有遮擋,而且跟得好順,到出彎入直路亦取位準確,結果能拼入季軍,證明人馬合拍,同時初戴眼罩有此效果,亦可見配備合適。 今次轉戰谷草兼縮程二百,計級數較對手優越,而且四月初曾上從化試一千米閘,看來早已有心縮程攻堅,今次再由雷神操刀,有力打開勝利之門。配腳我揀「靚蝦女」同「華麗活力」。
  第六場四班千二米。我就揀「董大」做重心,佢上仗早段跟得好順,沿途守位亦靚,到接近出彎之際逐漸移出,直路望空後愈衝愈勁,到接近終點才被「對衡之星」追過,屈居亞軍非常不值。見佢復課狀態有進無退,今場對手亦實力普遍,大有機會補中。配腳我揀「辣得驕」同「各取所需」。
B女

hd