任睇No.1
  • 29º
  • 84%
  • 2022年7月6日 星期三

B女靚馬——大登殿 上仗衝得勁

  第四場四班一六五○米。我揀「大登殿」做重心,佢上仗出閘反應快,只因排大外檔才逐漸留到最後,沿途居後至轉入直路,順勢移出最外疊衝刺,追勢有板有眼,結果跑入第四名,表現更進一步。今場轉戰快活谷,對手實力稍為減弱,賽前又積極備戰,排二檔亦理想,預計會有好際遇,如無意外應可打開勝門。配腳我揀「玩具達人」同「創建群英」。
  第六場四班一六五○米。我就鍾意「帝豪大師」,佢上仗起步反應稍慢,但好快跟上馬群,沿途守內欄而馳,走來非常順暢,只可惜直路前半段有點阻塞,大約最後百五才望空,結果追回季軍,若非意外應有更佳名次。季內未勝馬難得狀態冒起,定會把握機會求勝,體力方面我不擔心,只要出閘順利,坐位望贏應可辦到。
B女

hd