任睇No.1
  • 27º
  • 94%
  • 2022年8月18日 星期四

B女靚馬——極速奔馳升班再贏

第六場三班一六五○米。我就揀「寶賢得得」做重心,睇番佢上仗跑千八出閘好快,早段與對手續擠埋一堆,然後鞍上人刻意留住,沿途均速而馳,直至對面直路尾準備入彎,此駒便乘勢移出順走,結果在直路階段持續追前,最後幾步仲好吸引。今場縮程跑一哩,排二檔較上仗更理想,負一二一磅亦不算重,好有機會補中頭馬。配腳我揀「赤馬雄風」同「金像非凡」。
  第八場三班千二米。我就鍾意「極速奔馳」,佢今季只甩一次獎金,上仗跑同程亦贏馬,表現極之忠心。上仗佢沿途走二疊輕鬆跟跑,轉入直路望空之後,鞍上人只打幾鞭已奠定勝局,贏馬姿態非常悅目。今次賽前再試大閘,部署盡顯誠意,相信升班仍會繼續拼搏,只要發揮理想,再下一城並不出奇。配腳我揀「平海歡星」同「自力更生」。
B女

hd