任睇No.1
  • 29º
  • 74%
  • 2022年7月1日 星期五

B女靚馬——愛馬劍繼續泥料

第五場四班地千二米。我就揀「愛馬劍」做重心,佢上仗跑同程贏馬,即使當時出閘唔算快,但去到中段逐漸發力,直路上愈衝愈勁,結果輕鬆贏咗個幾馬位,姿態非常出色。今次賽前在從化操練,繼續積極練兵,有過上仗贏馬經驗後,相信今仗好大機會再下一城。配腳我揀「豐彩華庭」同「電子兄弟」。

第八場三班草地一千米。我就鍾意「志勝時機」,佢今季未甩過獎金,狀態仲愈戰愈勇。上仗跑谷草千二留前鬥後,直路上雖然跌鞭,但依然造最快末段時間衝上取勝,實力深不可測。由於本身狀態處於高峰,相信移師田草亦無難度,忠心馬值得繼續捧場。配腳我揀「當家精神」同「跳出世界」。
B女

hd