任睇No.1
  • 27º
  • 94%
  • 2022年8月19日 星期五

B女靚馬——日就月將 大熟大勇

第五場四班千二米。我揀「南莊加好」做重心,佢上仗雖然排大外檔起步,但表現走勢非常吸引,早段留守後方,由轉彎開始逐步沿外疊加速,直路上騎者更不斷打鞭,可惜走位太蝕之下,最終只衝入第五名,不過後勁都算悅目。其實佢回降四班之後一再走近,證明佔有班利,今仗排靚檔起步,只要攞位準確,相信好大機會打開勝門。配腳我揀「勇趣」同「騰龍超影」。
  第六場四班一六五○米。我就鍾意「日就月將」,佢上仗早段放得好快,雖然過早耗力,但入直路後都仲有兩腳,最後更加保住第三名,表現繼續有進步。留意佢最近連場都跑近,證明五歲馬處於大熟期,既然上仗跑千八都唔弱,今仗縮程跑一哩,對手級數較低一點,應該更加有勝望。配腳我揀「玩具達人」同「贏盡天下」。
B女

hd