任睇No.1
  • 27º
  • 94%
  • 2022年8月19日 星期五

B女靚馬——自然力量勝望彌高

第七場三班二千米。我就揀「自然力量」做重心,佢上仗排檔理想,一出閘就已經守住好位,沿途亦有遮擋,轉彎時鞍上人提早移出外疊,直路望空後即刻急起直追,最終衝入亞軍,只是敗給「同舟共濟」,表現有板有眼。今場轉戰沙田依然負輕磅,只要末段加多兩錢肉緊,今場勝望彌高。配腳我揀「合夥精英」同「機械戰士」。
  第八場三班泥地一六五○米。我最鍾意「華卓晴」,佢上仗早段居中競跑,處境唔錯,而且未到出彎已經逐步加速,直路所見仲愈跑愈起勁,最終追過「無心睡眠」,只是輸畀「浪漫組合」,我認為人馬發揮非常理想。今仗除了排檔內移,對手實力亦不見突出,本身賽前曾試閘催谷,可見有心繼續拼搏,有機會完成季內第四捷。配腳我揀「好好心得」同「無心睡眠」。
B女

hd