任睇No.1
  • 27º
  • 92%
  • 2022年8月10日 星期三

B女靚馬——八仟師 贏馬無難度

第五場四班一千米。我就揀「威妙星」做重心,佢上仗排檔有利,形勢有助發揮,沿途亦走得好順,全程跟隨「輗多福」而馳,雖然賽事步速甚快,但最終都跑得亞軍。留意「輗多福」啱啱升上三班都有表現,「威妙星」實在不能睇小,今場補中機會樂觀。配腳我揀「風流人物」同「同有友」。

第七場一班千二米。我就鍾意「八仟師」,佢今季六戰五奪獎金,表現非常準繩。上仗沿途貼欄順走,直路衝刺勢頭亦良好,只是接近終點才被「福逸」及「好眼光」追過,輸一個身位不足為辱。今次賽前試了兩課大閘,動態非常積極,明顯有備而來。近期晨課見佢外觀靚靚,狀態對辦,最重要是今次再配人馬合拍的莫雷拉,只要出閘順利,相信贏馬應無難度。配腳我揀「緊張大師」同「和氣生財」。
B女

hd