任睇No.1
  • 32º
  • 72%
  • 2022年8月15日 星期一

B女靚馬——日就月將大長途都掂

第二場四班二千二百米。我揀「日就月將」做重心,佢今季成績令人滿意,而且近期都維持高水準。前仗早段跟前走二疊,沿途有遮擋走得輕鬆,到準備出彎就開始發力,直路衝刺勢頭強勁,埋門幾步仲愈衝愈有力,終於打開勝利之門。今場雖然跑大長途,但我對其氣量充滿信心,難得狀態仍處於高峰,對手水準亦不過爾爾,只要早段稍為留力,相信可重演贏馬鏡頭。配腳我揀「奇妙年華」同「熹柏龍」。
  第七場四班一六五○米。我就鍾意「冰雪奇遇」,佢前仗早段跟得比較急,步速形勢稍稍輸蝕,直至臨出彎移出外疊,直路階段都有點追勢,輸四個身位算收貨。今次再跑同程排二檔,賽前又有試閘備戰,狀態比之前更加靚,相信目標在此,我期待佢能夠交出佳績。配腳揀「贏盡天下」同「日輝煌」。
B女

hd