B女靚馬——越駿知己 升班無阻力

第四場四班千二米。我就揀「董大」做重心,佢上仗早段輕鬆順走,沿途沒有太多耗力,轉入直路後稍為移出展開衝刺,即時穩步上前,而且仲愈衝愈起勁,最終追入第三名,姿態非常討好。今仗再出有幸強手遠去,難得本身狀態又繼續保持,只要交出正常水準,相信今場好有機會再開勝門。配腳我揀「月球」同「鈁糖武士」。
  第八場三班千二米。我就鍾意「越駿知己」,佢最近兩次贏馬都似難實易,尤其上仗放得好靚,沿途守住內欄跟跑,到直路階段移出中路搵位,便無擠無阻直奔終點。今場再出雖然升上三班,不過對比上仗減十磅,對這匹四歲馬應該更有着數,加上排二檔亦理想,莫雷拉又騎慣騎熟,再下一城照計難度不大。配腳我揀「終身美麗」同「多利神駒」。
B女

hd