B女靚馬——必長勝磨利爭盃

今日馬季開鑼,首先祝各位馬迷今季馬到成功,贏到盤滿缽滿!
第四場一班千二米特首賽,我就揀咗「必長勝」做重心,佢暑期試閘狀態良好,早段前置稍稍留住,埋門衝刺力度強勁。至於上季表現亦唔差,前仗跑一班賽得第四名,級數並不輸蝕,今次負輕磅並排黃金一檔,我認為好有機會打開勝門。配腳我會揀「韋小寶」同「金鑽貴人」。

第七場三班千二米。我就鍾意「連連有盈」,佢最近試閘一放迄終,姿態從容不逼,觀乎表現較上季更上一層樓,外觀亦非常養眼,踏入五歲明顯更加成熟,今次有權先聲奪人。配腳我揀「東方飛影」同「電子傳奇」。
B女

hd