B女靚馬——有苗頭試閘冒勇

   第四場五班一千米。我就揀咗「有苗頭」做重心,睇返佢上季贏同程之後都一再接近,整體表現算唔錯,同時亦一再證明路有專長。另外再睇佢月初試閘,沿途跟前順走,姿態從容不逼,展步亦力量十足,加上呢組大閘的對手實力偏強,令我非常期待佢今次陣上演出。今場排四檔亦唔係差,只要能夠守住內欄沿途順走,大有機會一出即勝。
  第五場四班千二米。「蒲俠超得」現評四十三分,論質素一定有分在手,過往只因經常喘鳴而影響成就。留意佢最近試閘,早段搶前主動領放,直至埋門都保持勁勢,過程一氣呵成,好明顯經過一輪休息,狀態已經全面復勇。今場負輕磅作賽,可謂非常着數,近期由黃皓楠連番考驗,人馬擺明有備而戰,希望到時能夠交出好成績。
B女

hd