一對新人身上的金器望到都覺得重。網圖
一對新人身上的金器望到都覺得重。網圖

近年內地婚嫁講「排場」,金器多寡除象徵滿載福氣外,亦是表現派頭最佳方式。內地社交平台流傳數張照片,新娘子不僅手腕上戴有戒指連金鈪的手飾,最誇張是其頸上掛上近百隻龍鳳鈪,令網民不禁慨嘆「女人想嫁得好,一定要去做Gym練頸椎」。

微博上的這輯照片,由內地1間婚禮攝影公司拍攝,表示這是「廣東多金新娘的低調奢華夢幻婚禮」。從相片可見,新娘子身穿白色露肩婚紗,按照中國傳統習俗,,將收到的所有龍鳳鈪全掛在頸上,目測左右手各戴一隻龍鳳鈪,右手還戴上一隻戒指連手鈪的金飾,其頸上更掛上近百隻龍鳳鈪,望見都覺得重,不得不佩服新娘,見她從容不迫,頸部仍然挺直,面上還露出幸福的微笑。而新郎頸上同樣戴上近10條粗金鏈,兩人在親友見證下步進禮堂。

帖文引起網民熱議,有網民笑言新娘應該頗「硬頸」,不少人留言大嘆「睇相都覺得重」,又戲言「如果女人無強壯嘅頸椎,又點戴得晒呢堆金器?」、「女人想嫁得好,一定要去做Gym練頸椎」、「粗略目測有90隻……真金受得起咩?」。

不過由於龍鳳鈪數量太多,惹來不少網民質疑其真偽,「有朋友喺大陸擺酒都係咁,但佢話大陸啲金鈪打到勁薄,同未必係999金,只係要面子」、「其實呢啲好輕,好細力已經可以捏到變形」,「如果係真金,你估佢條頸仲可以咁直」。

新娘頸掛近90隻龍鳳鈪。網圖
新娘頸掛近90隻龍鳳鈪。網圖
新郎頸上同樣戴上近10條粗金鏈。網圖
新郎頸上同樣戴上近10條粗金鏈。網圖

一對新人身上的金器望到都覺得重。網圖
一對新人身上的金器望到都覺得重。網圖