古天后日誌｜內地穩經濟政策有助中港股市靠穩

更新時間：09:39 2022-01-19
發佈時間：09:00 2022-01-19

1月19日，早上清涼，日間部份時間有陽光。美股隔晚三大指數下挫，場關注聯儲局下周議息，有消息指聯儲局可能3月開始加息，更有傳言指最快下星期開會就開始加息，道指跟標指齊齊跌逾1%；納指跌幅更達到2.6%，創3個月新低，由紀錄高位回落逾一成，並且收市跌穿200日線，為2020年4月以嚟首次。

市場預期加息步伐遠快於預期，美國債息急升，兩年期美國國債孳息率自2020年2月以來首次升穿1厘；10年期美國國債孳息率升逾10個點子，至1.87厘，為自2020年1月以嚟高位，今年以來已經累升逾20%。市場需要時間消化聯儲局更激進嘅緊縮攻策，而相關指引將愈來愈鷹派。聯儲局收緊政策嘅同時，美國資產估值將收縮，而經濟增長將放緩。

至於港股早於噚日下午已因為美債飊升已先行回落，反而今日未必跟隨美股大跌，而恒指暫時喺24000至24200進行整固，暫未見有明確方向。各個板塊喺資金輪動下個別發展，繼續塘水滾塘魚。

內地去年全年及第四季國內生產總值(GDP)增長勝預期，但12月數據仍存隱憂。內地12月3大經濟增長引擎表現迥異，不過喺穩價偎，保供應措施實施下，工業生產略有改善。受累疫情反覆，餐飲收入大幅下跌，消費增速創16個月以嚟低位。喺疫情持續下，消費市道短期仍受影