hkpoliticalmemes 影片截圖。
hkpoliticalmemes 影片截圖。

武漢爆發新型冠狀病毒肺炎,令香港人提心吊膽,出街都要戴個口罩。不過網上瘋傳一段影片,一位中年大叔在地鐵車廂狂咳,一個外籍男遞上紙巾,豈料大叔突然眼火爆狂打外籍男,一面粗口連篇,被網民狠批鬧爆。

Facebook專頁「hkpoliticalmemes」分享一段影片,指一名無戴口罩的大叔在西鐵車箱內不停咳嗽,一名外國男子「好心俾紙巾反被打」。只見西鐵車廂內躁狂大叔,瘋狂追住外籍男打,一面破口大駡「呢道係香港啊」、「X你老母」,直到外籍男走出車廂仍要追住鬧,圍觀市民都忍不住叫翻大叔「香港人有禮貌啲啦」。

一眾網民都鬧爆大叔無禮貌,有網民諷刺大叔「真廢老」,又有網民批評一車廂乘客都無人出來阻止,「成車廢老睇戲無人幫手」。