有婦人帶同兒子上網吧問責。Alan NL Law圖片
有婦人帶同兒子上網吧問責。Alan NL Law圖片

網民 Alan NL Law在facebook群組「‎North District 北區」上載閉路電視照片,一名操普通話婦人挾同兒子上一間網吧興師問罪,聲稱兒子3日無回家,揚言要「上嚟拆咗間鋪」,令負責人十分無奈,認為「關我咩事呢?」,又奉勸「你個仔3日唔返屋企,你應該反省下」。

經營網吧的網民發文指,今日一名婦人帶同16歲兒子上其「遊戲廳」,聲稱不滿兒子3日無回家,網民於是就糾正「香港有餐廳、有舞廳,但係冇遊戲廳呢樣嘢,所以大陸套遊戲廳法律,香港係冇嘅..... 你可以叫我哋互聯網服務中心,又可以簡稱網吧」。

負責人又不解,有人玩遊戲、睇戲、做功課等,「租用者用部電腦做咩嘢, 係租用者自由嚟架喎。你話你個仔3日冇返屋企。其實又關我咩事呢?」

網吧。示意圖片
網吧。示意圖片

負責人又指,「你個仔係由你挾持住上黎我度」,而且現實人人都帶口罩,不會有人認得出她的兒子,有沒有上過網吧都無人可答。大媽之後發難,揚言「如果做我個仔生意,毀滅咗我個仔,就上黎拆左你間鋪,拆埋你哋電腦,拆得起,就賠得起,犯法都冇所謂」

負責人不屑「好在佢唔係追女仔追到唔返屋企.....係嘅話咪人都俾你殺埋 ?」,又反駁大媽,香港店舖的閉路電視 「唔係用黎俾人監控用嘅,所以我哋係冇可能因為你想知就開個閉路電視俾你睇,唔係你話報警就會有得睇。」

負責人最後奉勸大媽,「你個仔3日唔返屋企,你應該反省下,佢亦都冇可能係我鋪頭3日3夜,因為係有咩理由有床唔訓, 鐘意俾錢坐係度瞓覺?」

事件引起大批網民留言,稱「自己教唔掂就走上黎賴人,係唔係佢個仔寧願周街走都唔願對住佢呀」、「自己教仔教唔掂就上人地舖頭嘈喧巴閉,係咪要全北區網吧配合佢?」。