被告黃森球。王尚哲攝
被告黃森球。王尚哲攝

社民連成員、前立法會議員「長毛」梁國雄4月在中聯辦請願後,突然遭人用尖錐刺他右腰。涉案八旬老翁今在開審前認罪,強調自己是「替天行道」,因梁「喺香港搞搞震,喺中國搞事」才出手施襲。裁判官指老翁雖年屆81,但亦依然行動敏捷,指他「似乎熱愛社會」,因政見不合才導致犯案,決定將案件押後至10月13日,以衡量老翁是否適合接受社會服務令,並准他以原有條件擔保。

鄭紀航裁判官問被告黃森球是否認罪,黃回應稱「認又得,唔認又得,總之搞壞我哋中國地方就唔得」,他最終認罪,強調自己是「替天行道」,指「無論係咪梁國雄,係皇帝都照搞!」。

鄭官問「睇片見你身手都好靈活喎」,老翁回應稱「鄉下舊時好多蛇捉㗎嘛,食蛇羮蛇粥食到身體咁好咋嘛」。

黃強調他「係為大家好,唔係為自己好,我80幾歲人有咩所謂啫」,稱自己「無槍」,否認有對梁國雄使用暴力,更稱「許智峯、黃之鋒佢哋兩個都要死,遲早!」鄭官即提醒黃「我哋中國人有句說話叫做己所不欲、勿施於人吖嘛,明唔明白?」

81歲被告黃森球被控於今年4月16日,在西營盤干諾道西均益大廈三期外襲擊梁國雄。

案情指,事主梁國雄下午1時在中聯辦外參與公眾遊行及集會,並在下午3時左右在均益大廈第三期外受訪。香港電台記者黃舒婷當時正訪問梁,被告突然從後走近他,並用「銀色、類似鑿的物體」插向他右腰窩一次。被告在警誡下承認「啲人喺香港搞搞震,喺中國搞事,我係嚟教訓佢,等佢知道好多人唔鍾意佢。」梁其後送院檢查,發現右腰窩有擦傷。

法庭記者:王尚哲