有網民不理解爲何其他家長在學校群組炫耀子女。unsplash示意圖片
有網民不理解爲何其他家長在學校群組炫耀子女。unsplash示意圖片

相信不少父母都樂見望子成龍,但並非個個父母都喜歡公開表揚甚至炫耀。有網民在討論區親子王國發文,指自從加入津小、私幼的通訊程式群組後,難以理解有些家長素未謀面,卻好喜歡在學校群讚自己小朋友。

網民發文稱,暫時聽過「要考級十,沒有難度。」、「 學校上堂的東西我小朋友全部識晒」、「我仔話係咁咁咁,佢唔會錯」、「我哋冇教過,但(2歲)小朋友自己一拎起書就識讀啲字」、「我哋冇教過,小朋友識肯唐詩」。這些浮誇對話,令網民質疑「2歲(就識讀啲字),天才?」、「3歲,唔通日常生活用唐詩對話?」,直言「依個世界一山還有一山高」。

有其他網民就留言嘲諷「呢啲家長自我感覺良好」、「個個都覺得自己小朋友好精叻架啦!呢啲嘢唔使太上心嘅!」、「最鐘意個女畫完一幅畫就share比大家。然後有虛偽家長讚,而其實大家才啱入group唔識得嘅 我唔洗知你個女畫咗乜,講返學校嘢就ok啦」。

學校群組本是獲取子女學校及學習相關的資訊。unsplash示意圖片
學校群組本是獲取子女學校及學習相關的資訊。unsplash示意圖片

也有網民透露遇過其他煩擾的情況,「你哋group就好... 我哋個班某幾個好鐘意分享假新聞,又無人出聲阻止佢哋」、「見到有啲家長無乜禮貌, 佢問嘢, 答左佢, 唔該都無」 、「小學group的家長比較客氣,低調,唔會點曬命,通常只會問功課,考試,通告等。但幼稚園group真係有一部份鐘意show off, 尤其考緊直私小學,大家鬥多面試,多offer」

不過也有一些網民寧可不入群或退群,「我有三個小朋友,都冇入過任何家長group!對我黎講完全冇問題,因為家長group係好煩,美其名係交流及提供學校資訊,但實際用途係咩大家心照,政治、分化、炫耀、無謂雜訊、學校政策完全放大再比較。我地年代都冇呢啲所謂群組咪一樣讀到書畢到業,我係好怕煩嘅人,呢啲 group唔好搞我」、「講吓學校嘢又或者間唔中講吓自己仔女我都接受到,但如果成日喺個group度post自己日常生活,例如去旅行丶去影相丶自己種花丶屋企停電...我覺得唔關我事囉!

而社會運動時,家長group admin已經講清楚唔好講政治,因為大家政見不同,以免發生口角,但有部分又堅持要發表意見⋯⋯煩死!好彩最後自己退group。」