中伏飲食報料區FB
中伏飲食報料區FB

出街食飯最怕被「加料」,但被「減料」亦同樣令人氣憤。有網民在網上發文指,外賣一盒雞絲拌麵,打開才見只有幾條雞絲。網民索性將雞絲全部夾起,一數居然只有8條,唯有大呻中伏。

網民在「中伏飲食報料區」Facebook專頁發帖指,自己在紅磡一間連鎖餐廳外賣雞絲拌麵,付了60元。回家開蓋一看,心知有不妥,索性逐條數,原來只有8條雞絲,「攝牙罅都唔夠啦」。不只雞絲少得可憐,連麵底也硬過人,令網民懷疑廚師只隨便煮了一下,等麵散開就已撈出來上碟。網民自知中伏,自嘲「硬麵一底,青瓜呢就兩『住』,再加八條雞絲添」。

帖文笑爆一眾網民,有人指「屋企樓下有60蚊一隻嘅鹽焗雞, 我諗單邊雞髀都撕到8條以上畀你」、「一份肉,兩份菜,三份碳水化合物,幾健康」、「依家香港人做生意唔係長做長有,係要用最短嘅時間賺夠就閃」、「其實係青瓜麵」。