巴士女乘客目睹中年色狼伸手入褲疑似自瀆。「hkerstandwithhk」圖片
巴士女乘客目睹中年色狼伸手入褲疑似自瀆。「hkerstandwithhk」圖片

有年輕女子昨日在巴士上遭到中年大叔性騷擾,大叔向住女子伸手入褲內上下抽搐,懷疑有不軌企圖。

一名女網民昨日向社交網站Instagram專頁「hkerstandwithhk」投訴指,於乘搭由奧運站開往葵涌石籬的31B巴士途中,感覺上層通道對面座位有人一直望向她。

女事主起初未有理會,後來忍不住回望對方,才發現一名中年大叔一邊窺視住她,一邊伸手入褲擺動,疑似做出淫褻行為。「個阿叔有上下chok(擢),唔係r(𢯎)袋。」

女事主指自己當時身穿連身裙,形容「扣鈕到上頸」,衣著並不暴露。由於當時受驚過度,她只好裝作打電話,以手機偷拍對方樣貌及舉動作證據,又形容嚇至雙手發抖,「即刻驚到去第二度坐喊咗出嚟。」下一站她慌忙落車,未有報警,只好於網上公開事件,提醒其他女性乘搭交通工具時要多加小心。

此事引來網民熱議,不少人認為事主不應姑息養奸,「點解唔直接同個司機講呀,同埋點解唔大聲講出嚟呀?」、「其實真係唔可以容忍,大大聲叫啲人一齊睇佢表演啦」。

也有人認為外界應該怪責色魔,而非怪責女事主衣著暴露,「其實著得暴唔暴露都唔可以成為任何人對住佢打XX嘅理由」、「個女仔係受害者,話返佢轉頭,即係覺得喺巴士度望住佢打XX就無問題?係咪因為個女仔唔係你身邊認識既人吖?」。

巴士女乘客目睹中年色狼伸手入褲疑似自瀆。「hkerstandwithhk」圖片
巴士女乘客目睹中年色狼伸手入褲疑似自瀆。「hkerstandwithhk」圖片
巴士女乘客受驚換位後哭泣。「hkerstandwithhk」圖片
巴士女乘客受驚換位後哭泣。「hkerstandwithhk」圖片