盧殷童在庭稱,事件曝光後丈夫傳訊息,指她「先係罪魁禍首,害死個女個個係你!」。資料圖片
盧殷童在庭稱,事件曝光後丈夫傳訊息,指她「先係罪魁禍首,害死個女個個係你!」。資料圖片

42歲無業父親兩年前涉嫌在年輕二十載的妻子離港北上期間,在新田東鎮圍一間村屋內把年僅3個月大的女兒,以枕頭及被鋪掩頭窒息致死。父親否認一項謀殺罪,案件今於高等法院續審,其妻子供稱她回家後看見被鋪及女兒的狀態後,假設性認為丈夫「焗死個女」,而丈夫在事件曝光後傳訊息予她指:「新聞通曬天」、「我好辛苦」、「本來好好一個家,俾你搞散曬」、「你安樂啦!」、「你先係罪魁禍首,害死個女個個係你!」。

控方在庭上播放妻子盧殷童在2018年8月23日致電999的錄音,盧當時聲淚俱下地指:「我個囡死咗呀!」、「我先生熄咗電話,我搵唔到佢」、「個囡三個月大咋!」、「佢用兩個枕頭同張被焗死左個囡呀」、「我同佢早幾日嘈交,我出左門⋯我以為先生照顧緊個囡」 。盧解釋指兩夫妻在2018年8月21日「因屋企壓力所以嗌交」,亦有部分是因爲盧自身的情緒問題,盧指丈夫「有關心下我嘅⋯⋯但有時唔係好理我」。

男被告張應輝在女兒死亡事件被揭發後,繼續與盧傳短訊,張指:「就算個女係度,你都係唔理佢,周圍去玩」,盧在庭上反駁指:「我都無周圍去玩,我只不過同朋友出去一日街輕鬆下,佢就覺得我去左玩」,她憶述有一日「番左大陸食飯」,有一日「有個女仔朋友唔開心,所以出左去陪佢」。張又曾向盧指:「你將所有野推晒比我」、「就算依件事無發生,遲早個煲都會爆」、「你以後好自為之」、「可以將我同BB葬埋一齊嗎?」、「你先係罪魁禍首,害死個女個個係你!」。

張傳送女兒相片代女兒向盧說:「點解要抌低我唔理」,盧在庭上說:「佢(被告)話我抌低佢(BB)唔理佢(BB),但其實我唔係囉,我都無抌低佢唔理,如果我真係抌低佢嘅話,我就唔會番屋企啦」。盧指她回家時發現張「攞走曬啲煙同背囊」。

被告妻子盧殷童下午接受辯方律師盤問,盧憶述她在2017年5月頭在Facebook出帖指自己「好悶」、「想睇戲」,完全與她不認識的被告留言指:「我都想睇戲」,及後兩人私訊聯繫並互生情愫,認識一個月便到一起長洲度假,又曾一起到深圳紋身。盧當時任職速遞公司包裝員,但因欠債近4萬元,而需到夜總會工作賺錢還債,最終則因沒有錢還債而申請破產。

盧與張的女兒在2018年5月21日出生,由於盧懷孕前曾濫藥,15歲至18歲期間亦在戒毒所渡過,故需為初生女兒進行不同的檢查。辯方指盧在女兒出生後不時外出與朋友「食糖水」,盧辯稱:「都唔係出左好多次街咋麻,五隻手指數得曬」,「屋企人都唔得閒理我,無人同我傾計」。盧指自己由一名貪玩的女子變為「日日係屋企煮飯同湊小朋友」。

法庭記者:劉曉曦

建立時間13:33
更新時間17:00