環翠•吳卓燁(Peter仔)FB
環翠•吳卓燁(Peter仔)FB

疫情急速反彈下人人自危,但注意個人衛生之餘也要為別人著想。有柴灣街坊就驚見住宅大樓電梯「𨋢掣」位,竟然有一大個鞋印,「到底澤翠街坊要有幾驚接觸到病毒,先會諗到用鞋底撳𨋢?」

東區環翠區議員吳卓燁在Facebook專頁上載相片,只見大廈「𨋢掣」位置,有大大個鞋印,更不只一個,疑似用腳「撳𨋢」不只一次,「鞋印仲要有疊痕,即係呢位街坊唔係1take過啦」。吳卓燁批評此舉與播毒無異,鞋底才是最多細菌,「用鎖匙用遮撳都冇咁嬲」。

網民紛紛批評無公德心,「自己住嘅地方都整污糟」、「都唔係第一次見,曾經見到有個男人用腳去按過馬路個掣」,「咁鬼驚中招, 行樓梯返屋企啦」。