太古城。資料圖片
太古城。資料圖片

2020年香港樓價僅僅回落1%,樓價高但又不代表住屋質素相應地高,有「連登討論區」網民批評,近年香港新樓的設計並不實用,網民就指正因需求強勁再貴都有人買,無需要花心機設計。

網民發文指「點解依家香港無能力再起返啲實而不華嘅樓?點解香港再起唔返第一城。 美孚新邨, 太古城, 康怡呢啲樓?」他指,現在新樓都豪宅化,落地玻璃、開放式廚房、分體式冷氣,又被迫要狹小的露台,房間又不好擺位。

美孚新邨。資料圖片
美孚新邨。資料圖片
沙田第一城。資料圖片
沙田第一城。資料圖片


網民留言認為,香港土地房屋供不應求,「可以從配額嘅角度去睇,如果只夠皮做十個手袋,你會去做花巧嘅、賺得多嘅Hermès 定假設高CP值嘅Coach?但如果皮供應充足,唔係人人買得起Hermès ,只要有錢賺,自然有發展商迎合唔同需求,好似電話咁,iPhone都有分pro/max」、「全部都係成本問題,則愈畫愈細細咪要做open kitchen 囉」。

有網民指,因為再不實用、再貴的樓都有人買,「啲冰有咁大粒得咁大粒,飲管有咁粗得咁粗,呢啲野唔係要我教呀」、「首先個樣呃到人買已經賣貴啲,而且實唔實用都係go go go,咁點解要咁辛苦畫好張則」、「人地研究過就算建築成本額外加幾多都好,佢都賺得返,所以你見落地玻璃、分體冷氣再加個假天花遮晒啲明喉,開放式廚房抽晒啲位,再送埋全套廚房潔具同吊櫃,仲塞埋爐頭洗衣機俾你,只要外觀夠靚起到中晒market,價格再升一樣有人買」。

不過也有人喜歡新樓設計,「用過open 返唔到轉頭,小型家庭有幾可大煮,我寧願用埋啲位做飯廳」、「窗口式會冷氣機滴水勁麻煩,同埋分體式又靜又舒服,搭棚有咩問題,最緊要用得開心」、「其實我鍾意啲樓有露台畀我種吓野,養狗,望吓街吹風」。