【Juicy叮】47蚊外賣鴨髀飯得4嚿 網民呻中伏：被偷食咗？

疫情下不少人都改叫外賣，有網民就用47元叫了一個油鴨髀飯，居然只有4塊鴨髀，連豉油都無滴，令網民大呻中伏。

網民在「中伏飲食報料區」Facebook發文，無奈稱自己用47元買了一個「愛心鴨髀」，只見飯盒裏只有滿滿的白飯和4塊鴨髀，其中兩塊更諷刺地擺成心形。網民之後又再發帖，「由於好多人都話係咪有人偷食咗？或者係咪做咗手腳所以我決定post埋下文」，網民向外賣平台查詢，獲回覆餐單確實沒有搞錯，令他大感無奈。

貼文笑爆不少網民，「2021 第一伏」、「菜都比2條佔下位都唔識」、「好多飯呀！一定夠飽」、「根本想砌個I love U出嚟」。