【Juicy叮】為打卡推小童獨自危站「石天窗」 網民目擊:佢連續叫咗幾聲好驚

港聞
更新時間:16:37 2021-01-05
發佈時間:14:11 2021-01-05
行山影靚相留念本無不妥,但若為此要讓小朋友企近石邊、崖邊,實在過於危險。日前有網民到黃牛石城山路行山,行經打卡熱點「石天窗」時,發現有家長竟為打卡影靚相,而讓年幼的孩子獨自站在離地幾尺的「天窗」上!

網民憶述,該名小朋友當時連續叫了幾聲「好驚」,貌似「幾乎喊咁濟」,相信他當時應該非常害怕,「我個人就覺得好驚險,小朋友嘅喊聲幾令人不安,有諗過其實需唔需要為咗影相,而做到咁呢?」

該名網民指,當時他未有向該名家長即時反映,因為這個可能是對方給予小朋友的一個挑戰,又或者在對方眼中,小朋友有能力接受「石天窗」的高度。

帖文隨即引來大批網民討論,不少人都認為,該名家長為影相而妄顧孩子的感受和安全,「咁樣會唔會搞到小朋友有陰影」、「逼就一定唔得㗎啦,安全就更加應該係排第一嘅。如果小朋友驚就真係唔好亂嚟啦」、「真係有問題,上個月我都有去過,無擒出去影相,因為我都驚」。