【Juicy叮】食米線食到一半驚見煙頭網民嬲到震：報咗食環

港聞

更新時間：14:34 2021-01-09
發佈時間：13:23 2021-01-09

出街買嘢食最怕被「加料」，近日有網民外賣米線回家，打開食到一半後竟發現裡面有煙頭，令她嬲到震，更表示已經「報咗食環」！

一名女網民在社交媒體Facebook群組「中伏飲食報料區」上載圖片，指自己近日在香港仔一間餐廳點了麻辣鮮魚片米線外賣，怎料回家食到一半的時候，竟在該碗米線中發現煙頭，自己亦已「咬左（咗）啖」。

樓主感到非常嘔心，於是立刻致電餐廳投訴及要求退錢，但餐廳竟劈頭一句表示「廚房冇人食煙」。她之後「越諗越嬲」，因此「報左（咗）食環」，她亦表示「下次唔會再幫襯」。

帖文引來大批網民討論，大部分都表示支持樓主向食環署舉報，有人則相當擔心樓主的健康，「如果佢有肺炎點算即刻叫佢賠錢做身體檢查」、「口水好多傳染（物）架」、「退錢冇意思，麻煩樓主叫舖頭賠錢俾你，去檢測三次先」。

另外，亦有不少網民聲稱，該間餐廳的衞生質素原來一直欠佳，「上次我隻佬食咗佢個擔擔麵，痾咗幾次差啲脫水啊陰公」、「上次叫外賣碟菜有小強」、「見過門口飽（包）點師傅食煙，不再幫襯！」