【Juicy叮】執紙皮婆婆攞走浪貓「禦寒箱」網民批自私

港聞

更新時間：16:50 2021-01-10
發佈時間：14:59 2021-01-10

西環變幻時FB

本港近日天氣急轉涼，不少流浪貓無家可歸要捱凍，但好在有好心人用紙皮搭建「禦寒箱」給貓貓取暖。不過有網民就表示，見到一個執紙皮婆婆執走了貓貓的「禦寒箱」，令網民憤怒，「你哋凍會去着衫，浪浪係唔會㗎！」

網民在「西環變幻時」Facebook專頁發文指，到石塘咀街市買東西，在保德街入口，見到一個婆婆執紙皮，執走了一個有圓圈的紙盒。網民對婆婆說，這個盒應該是讓流浪貓禦寒，不應該拿走，「點知佢同我講佢唔知喎，我同佢講你要將佢放返原位，佢話唔放淨係話我知喺街尾攞嘅。」網民只好自己拿走紙盒放回去，並用筆在盒上寫上「請勿取走」，「佢點會唔知呀，佢識得將盒裏面嘅毛巾同埋人哋嵌着個盒嘅布都抽咗出嚟！仲要人哋上邊貼好晒字同貓貓圖案」。

網民質疑這些執紙皮長者，是否真的需要這一個紙盒，「你哋凍會去着衫，浪浪係唔會㗎！執埋執埋嗰一個幾毫麵包都買唔到一個啦！係咪真係咁慘啊......浪浪邊個可憐啊？平日你哋摷啲垃圾桶搞到周圍污糟邋遢都算，今次你搞到浪浪個兜我真係同你死過。」

帖文引起熱議，不少人留言指「好明顯係故意，擔心佢又再攞走」、「很多老人家都好自私兼沒同情心，但又要人敬老，太討厭」、「人哋屋企都要搶走」，亦有人感謝善心人幫助流浪貓，「多謝你見義勇為」，有人就提醒「不過個御寒箱一定要有兩個出口同唔可以咁張揚，有咩危險貓貓可以逃生」。