九巴提示司機於見到乘客站於落客門位置時要向該乘客詢問是否要落車。資料圖片
九巴提示司機於見到乘客站於落客門位置時要向該乘客詢問是否要落車。資料圖片

有網民於社交網站上投稿,指九巴出了一份內部通告,提示司機於見到乘客站於落客門位置時要向該乘客詢問是否要落車,以免受紀律處分。網民質疑「咁以後巴士車長係唔係要好似揸小巴咁每個站問乘客『轉彎有無落?』」

該網民於Facebook專頁「HK Bus Channel 巴士台」上投稿,指「小朋友都識搭巴士要車到截車,㩒鐘落車」,不明白為何九巴要度司機詢問乘客是否要下車,指九巴令巴士司機變成小巴司機,要於每一個站問「轉彎有無落?」,又嘲司機可能要「揮手示意確認」,「不如拆晒巴士上嘅落車鐘」。

不少網民對於九巴的規定感不解,質疑九巴「活生生將個搭車文化玩殘」。有網民認為「司機位已經好多野兼顧,真係好忙㗎」,批評「乘客落車只做一様野就係落車襟鐘,原來咁難」。亦有人提出,為確保安全,司機詢問時必須停車,反而會令「香港路面會不勝負荷」。

九巴內部通告。HK Bus Channel 巴士台 FB
九巴內部通告。HK Bus Channel 巴士台 FB