網民最終揭發外傭盜竊。資料圖片
網民最終揭發外傭盜竊。資料圖片

日防夜房家賊難防?有港媽在「親子王國討論區」發文求助,指家中屢失竊,最新一次涉款達7000元,但這位媽媽認為外傭無異樣,懷疑是有前科的子女為家賊。

這位網民發文,幾年來試過不下五次,「都是從放在屋企的銀包中消失。以前最多一千,這次七千。屋企有小朋友有工人,我直覺不是工人。點算好」。這位媽媽透露,子女年齡介乎9至16歲,家中沒有安裝監控閉路電視,形容「幫人買嘢人地俾返錢我,兩日功夫已經唔見。」她又指,外傭近日無異樣,而子女有前科,令她心裡不知如何是好。

結果網民翌日更新,指外傭已經承認犯案,並已經報警,「佢(外傭)今早擺低六千係我指定位置,其他人全部未起身,我問佢佢即刻認。但佢只肯認由我褲袋攞咗三千,仲話因為我唔見七千所以借錢還俾我六千,去到警署門口,佢先話佢願意認偷咗銀包入邊一千。我話你都係唔講真話,你同警察講。最終佢同警察講偷咗六千。」

其他網民意見不一,部分人認為應該報警懲治「如果小朋友之前真係有偷過, 呢次真係一個好好嘅機會比佢地睇到偷竊嘅後果。 如果你放過個工人, 小朋友睇到可能會令佢地存有僥倖嘅錯誤解讀。」、「我覺得應該要報警。 極大可能根本唔係第一次偷。 唔好心軟, 放過呢啲手腳唔乾淨嘅工人。」、「當然報警,偷嘢唔可以留,好彩佢認咗,如果唔認就誤會左啲小朋友啦,下次唔好放太多錢喺屋企,銀包要收好」

也有網民稱幸好沒有冤枉子女破壞家庭關係,「好彩樓主冇問個仔,如果唔係個仔都幾hurt,信個工人都唔信自己」、「原來今次係工人,明顯佢知道樓主個仔有前科所以想嫁禍,好衰」。