網民床笠被淋不明液體。將軍澳主場FB
網民床笠被淋不明液體。將軍澳主場FB

遇上無品的樓上鄰居,實在令人叫苦連天。有網民將床笠晾出窗外時,被樓上鄰居淋不明液體,令整張床笠報廢,令他非常憤怒。

有將軍澳富康花園的居民在社交網站發文指,將防水床笠晾出窗外,晚上收床笠時,竟然發現整張床笠都是啡色污漬,「到底幾冇公德心先會咁大整蠱?真係講幾多粗口都抒發唔到,洗咗都唔敢用啦!」

大批網民都留言批評樓上住戶無公德心,「真係好誇張喎,係咪成煲嘢倒落街呀」、「咁冇公德心」、「我就係怕人冇公德心,從來唔晾出街」。