聖瑪加利大堂早前發出的通告,被指要人奉獻卻態度惡劣。網圖(小圖為Facebook圖片)
聖瑪加利大堂早前發出的通告,被指要人奉獻卻態度惡劣。網圖(小圖為Facebook圖片)

不少教會都會呼籲教友踴躍奉獻金錢,支持會堂運作;但近日就有天主教教會的「呼籲」被指針對年青人、措辭直接得「好唔要面」,「辣㷫」一批教友之餘,亦引來熱議!

聖瑪加利大堂昨日在其Facebook專頁發布通告,指教會近日正在籌款維修堂區中心,目前離目標尚差200萬元,並態度積極地表示「相信成功在望」。

不過,到了文中第二段,氣氛就突然急轉直下,明言捐款的人「多數屬於較成熟之年齡層」,直指青年人只佔少數,強調「支持堂區人人有責」、「不是祖父母、爸媽兄姊捐錢後,後輩便可以坐享其成」。

文中之後又突然解釋指,「其實不是要你們跟前輩看齊,倒是那份強化關心信仰大家庭歸屬感的心意更顯重要」,最後又表示「這刻,與各位,特別是在學、在職、未婚的年青人共勉」。

這篇通告一出,頓時「辣㷫」了大批教友,至今已吸了約1800個「嬲嬲」反應,有人留言指「用『坐享其成』去形容冇捐錢的會眾,呢啲病態而不自知的心態,真唔知點形容」、「講到尾都係一間以宗教作包裝嘅商業機構,明白任何組織要營運都需要錢,但係食相難睇咗啲囉」、「請款信不是這樣寫的」;更有人諷刺道「真係感動,全香港只有你哋無放棄年青人」、「我嚟報名情緒勒索班,請問幾時開班?」

此外,事件甚至被「cap圖」放上網上討論區,不少網民都對文中態度感到反感,批評「用宗教明(名)義掠水 」、「學生都唔放過,每個月十一獻捐已經收唔少啦,仲惡過黑社會,『捐』即係自願性質,逼人有咩意思呢?」、「奉旨捐㗎?」

「聖瑪加利大堂」Facebook圖片
「聖瑪加利大堂」Facebook圖片