【Juicy叮】男童踩在單車上探半身出窗 鄰居發現拉回救一命

港聞
更新時間:11:54 2021-01-23
發佈時間:10:51 2021-01-23
新冠肺炎疫情持續,令本港學校、遊戲室及康樂活動等都被逼暫停開放,小朋友想「放電」都找不到地方。近日有網民就表示,多次發現鄰居兩個幼童無戴口罩在走廊玩,某次更試過踩在單車上、半身探出窗外張望,情況非常驚險!

有網民在社交媒體Facebook專頁「生仔要考牌系列」投稿,指自己所住的地方,同層亦住了一個4人家庭,分別是4歲的哥哥及約2歲的妹妹,平日他們的爸爸要外出工作,應該只得媽媽一人照顧他們,「有時出街都聽到媽媽咆哮式咁用粗口鬧仔」。樓主指,疫情開始後,發現兩個小朋友每日都在無戴口罩的情況下出走廊玩。

日前,樓主的老公見該兩名小朋友經常在走廊盡頭玩,受好奇心驅使下,便伸出手機拍照,發現竟拍下驚險一幕:男童有三分之一的身體探出了走廊窗戶,稍一不慎極可能發生意外。樓主與其老公當時怕「大聲嗌會嚇親佢」,於是即時衝出並「拉一拉返佢入嚟」,以及致電大廈主任,叫對方提醒小朋友的父母要多加注意他們的行為。樓主之後亦氣憤表示:「有時真係好想了解下,點解呢對父母要生仔?生咗又唔教」。

網民看完都紛紛表示「真係好危險」、「齋睇相都嚇到個心離一離」、「呢張相有可能成為佢既遺照」、「好彩你(樓主)睇到」、「呢啲年紀點可以離開視線範圍」、「好牙煙⋯」、「好高難度既勁危險動作」。不過亦有網民覺得需要體諒涉事小朋友的家長,「你都識講個媽媽一打二,細嗰個仲要啱啱識行,ftm(Full-time,全職)要煮飯洗衫做家務真係唔易」。