【Juicy叮】居佐敦被老細禁返工慘被同事當怪物看待

港聞

更新時間：19:42 2021-01-27
發佈時間：16:17 2021-01-27

政府於上周六圍封佐敦指定區域，有一位佐敦居民指，因為封區而被老板叮囑不要回公司，其他同事亦紛紛附和，令他自覺被當成怪物，引起網民熱議。

Facebook專頁「辦公室日報」指，自己有一名朋友居於佐敦，並正正住在圍封的區域，圍封當日朋友的老板在工作的群組發出一段訊息，指朋友住在疫區，著他不要回公司，「嗰度咁多病毒，就算下星期解封都唔准返office呀！我唔想公司好似佐敦咁，個個上晒頭條咁瘀。」

而其他同事亦附和，指「你哋佐敦油麻地好危險喎，我都去醫院自己做檢測先」，更有人著他「農曆新年後先返工啦」，並指如果他回公司，「我哋全體home office」。

老板及同事的行為令該名居民十分無奈，指責同事「唔係鬧政府處理得唔好，係歧視住喺佐敦啲人」，更指佐敦居民因此被當成「怪物」。

不少網民都紛紛指責該名老板及同事，指他們「blame the victim」(責備受害人)，籲他們「積口德」，指「他朝君體也相同嘅時候真係恭喜佢地呀。」

亦有人表示「其實封區都控制唔到」，質疑為何要歧視佐敦居民。