【Juicy叮】酒樓買到變味爛蘿蔔糕十幾年熟客：以後唔再幫襯

港聞

更新時間：18:09 2021-02-14
發佈時間：14:52 2021-02-14

每逢農曆新年，不少人都會食返一兩件糕點應節，開開心心過年。不過近日有女網民就被糕點搞到唔多開心，事關她在酒樓訂的蘿蔔糕竟然蓉蓉爛爛、糕不成糕，而且更有一陣陣酸味及「溢味」！

一名女網民在社交媒體Facebook群組「中伏飲食報料區」發文，自己早前在銅鑼灣一家酒樓買了蘿蔔糕，更指十幾年過時過節都會幫襯。不過，當她年初一拿著蘿蔔糕回家，並打算開始煎糕時，竟發現裡面的糕「一bat bat嘢，完全唔firm（堅固）」，而且傳出陣陣酸味及油溢味。樓主感到非常氣憤，並揚言「經過今次以後唔會再幫襯」。

有網民看後表示那根本是「蘿蔔蓉」、「爛bat bat食糊仔」，有人指「一眼就已經知道變壞咗」、「好明顯啲糕蒸好冇灘凍直接入凍櫃！」、「應該係底糕擺得太耐開始壞」。另外亦有網民建議樓主，下次不如試試自己整蘿蔔糕，「蘿白（蔔）糕梗係自己整，岀邊個啲少餡又多味精」。