有網民指,有夫婦剛置業為由,月交4000元要求父母代為照顧嬰兒及煮晚飯。示意圖片
有網民指,有夫婦剛置業為由,月交4000元要求父母代為照顧嬰兒及煮晚飯。示意圖片

到底是共度時艱抑或廉價勞工?網民在「親子王國」發文,稱有親戚抱怨,兒子與媳婦近日新置業感到吃力,每月只交付4000元給兩老負責星期一至五照顧BB及準備夫婦的晚飯。

網民引述其姨媽的對話,稱其兒子與媳婦最近買樓,因為要供樓,所以只給父母4000元,星期一至五代為照顧孫及加上夫婦的晚飯,而且還不包括嬰兒用品,「食完話要陪BB玩,玩陣就回家」。



網民指其姨媽感到不開心,覺得很大壓力,「但仔說要供樓,無錢多餘,新抱就話遲下要讀書,要好多開支,他們都怕失業」,而且「新抱仲話遲下生多個」。發文者曾經勸説請外傭幫手,但「新抱搶住話佢哋搵得唔夠,都要留比小朋友讀書,叫佢幫幫手,如果唔係搵其他人湊就無得畀錢佢,都無咩機會見了」,「又指新抱話女家果邊要返工,佢都要畀錢自己呀媽」。

有網民指,有夫婦剛置業為由,月交4000元要求父母代為照顧嬰兒及煮晚飯。示意圖片
有網民指,有夫婦剛置業為由,月交4000元要求父母代為照顧嬰兒及煮晚飯。示意圖片


其他網民隨即炮轟「使人唔使本」、「4000仲要包埋2公婆晚餐? 仲要幫佢地洗埋碗,咁嘅縮數真係諗得幾精明喎」、「包食起碼1萬,唔得叫佢哋自己請工人,4000齋人工都唔得」、「4000每日都係100多d,仲要買餸煮飯,外傭係剩袋4000幾蚊,你姨媽連外傭都不如,養大個仔咁對阿媽」、「下咁即係要你姨媽貼錢就幫佢哋湊?唔得喎,你話唔賺一件事都冇理由要貼啫, 最慘係當時人都唔想嘛」

有人指外人難以介入,「一個願打一個願捱,呻都只能夠聽,等姨媽舒緩情緒,但佢唔拒絕,旁人真係帮唔到。買樓唔係藉口,成年人,生仔買樓都要自行負責,唔應該自己開大個頭,跟住搵父母著數,家用就算唔畀多,都無可能要父母倒貼」

帖文轉載自「親子王國」討論區