【Juicy叮】家長無視疫情撕開封條 叫小朋友入遊樂場玩捱批

港聞
更新時間:16:51 2021-03-02
發佈時間:15:30 2021-03-02
因應疫情,不少遊樂場都不開放。近日有家長於網上批評,稱見到有家長將貼在遊樂設施上的封條撕開,讓小朋友入內遊玩,大斥他們的行為「無腦」,引起網民熱議。

該名家長於「親子王國」討論區上以「公園封左都要夾硬玩,你有無份?」為題出帖,他指經過公園時,見到有家長及小朋友於貼滿封條的遊樂場玩耍,「好多好多好多無賴家長,明知個公園仲係封緊,仲要夾硬撕開封條比小朋友入去玩。」

他大斥該班家長「無腦」及「無家教」,指「封左就係唔比玩㗎啦」,認為他們的做法「係教小朋友規矩唔洗守,自己要玩就可以去玩架喇」。

他最後更指「唔好以為自己想點就點,難為保安趕完又趕,啲壞家長仲死唔走」。

不少網民均認同樓主,大批涉事家長自私「啲怪獸家長自私自利,只顧自己享樂」、「成日都見到,疫情以嚟封咗都見到有人不斷在玩」。

但是,亦有人認為很多室內設施已經重開,質疑為何在室外的公園反而不可以開,「擺明恰小朋友」。
資料來源:親子王國討論區「公園封左都要格硬玩,你有無份?」