【juicy叮】隧道收費亭唔見銀包獲熱心情侶借錢相助網民上網尋人道謝還錢

港聞

更新時間：18:48 2021-03-05
發佈時間：15:39 2021-03-05

臨急臨忙要畀錢時先發現唔見咗銀包實在令人頭痛。一名網民昨日於網上指，自己駕駛私家車到大老山隧道收費亭時發現不見了銀包，當時不知道如何是好，但竟獲後面一對好心情侶出手相助，令他非常感動，並希望於網上尋回兩人道謝及還錢。

該名網民於連登討論區上以「好想多謝頭先喺大佬山收費亭幫過我嘅情侶」為題出帖，他表示，自己「埋到收費亭先發現唔見左銀包」，而車上的散銀又剛巧已用完，當時「收費亭阿姨就叫主管喺office過黎，搞到你塞左喺我後面好耐」。

網民感激地指，「你地不單止冇呠我，見到主管埋到黎你地即刻落車過黎細細聲問我係咪唔夠錢比，然後比左張廿蚊紙我」，到之後該名主管問「咁都得？」的時候，他們更指「我地friend嚟㗎識㗎」，令網民大為感動。

網民續指，當時因為被收費亭的姨姨趕走，只打了兩次死火燈道謝。他最後稱，「唔知你地會唔會睇到呢個post，好想同你地講聲多謝，如果你地唔介意既可以喺下面留tg比我，我好想payme返隧道錢畀你地」。

該對熱心情侶的行為獲網民大讚，不少人留言指「好人好事」、「人間有愛」、「希望香港多啲好人好事」及「好人好事，希望樓主搵得返佢地」等。但有人卻認為「佢嗰幾分鐘可能值錢過嗰廿蚊」、「畀得你都唔志在啦」。

另外，有人則批評該名收費亭主管的行為，斥「咩叫咁都得 ? 投訴佢啦」、「趕住開罰款單呀？」
資料來源：連登討論區