一名中年漢失業後轉行做侍應,但常疫嫌手腳慢,之後更因小事而被炒。unsplash圖片(示意圖)
一名中年漢失業後轉行做侍應,但常疫嫌手腳慢,之後更因小事而被炒。unsplash圖片(示意圖)

新冠肺炎疫情影響不少人的「飯碗」,保住份工及搵工同樣難。一名中年失業漢表示,失業後轉行做侍應,但感到老闆戴有色眼鏡看待他,認為他的工作能存較年輕人遜色;某次他在客人面前做錯一件小事,老闆更即場將他解僱,令他不禁怒斥「公平咩?」

一名50歲的男網民早前在「香港討論區」上,以「50歲人轉工做侍應都仲要比人炒」為題發文,指自己本來從事駕車工作,但去年因被罰扣分及吊銷牌照,無奈之下被迫轉行。幸運地,樓主之後很快就找到一份餐廳侍應的工作,但似乎就做得不太高興。

樓主表示,與他同為50歲的老闆總認為年輕人動作較快,又對他不太友善,更經常暗示他「做嘢慢」,令他深感不滿,「佢(老闆)唔念(諗)吓邊個最後一個收工,雖然冇咩做,但我會好義氣等到大家走先一齊走;嗰班80、90後個個一打完卡,『落場』有時衫都唔換就走咗。」

直至上周二,樓主不小心送錯熱水給客人,對方投訴被燙傷,老闆就即時將事主解僱,並補足7日代通知金給他。樓主感到不忿,認為老闆一直視他為眼中釘,如今終有藉口將他辭退,不禁怒指:「公平咩?一次半次啫,佢分明針對我,我覺得冇咩錯喎我。50(歲)有幾老?我覺得佢應該包容吓50歲,佢自己都50歲啦。」

不過,一眾網民看完帖文後,都紛紛認為樓主做錯事在先,應該加以反省,而非大大聲抱怨,「咁你真係做錯野喎無得賴」、「個老闆寧願俾7日人工你都要你走,睇嚟你要諗下自己喺工作上有何不足,然後喺下一份工改善,而唔係埋怨」。另外亦有網民鼓勵樓主重新出發,「唔炒都炒咗啦,算罷啦,東家唔打打西家囉」、「樓主加油,轉行唔容易,樓下有間餐廳都有啲中年新面孔,睇得出唔係做開,但越做越好」、「加油,心態好重要」。

「香港討論區」原文