【Juicy叮】港女屢遭母偷錢打麻雀攤牌後反被罵委屈落淚

港聞

更新時間：14:58 2021-03-14
發佈時間：13:58 2021-03-14

日防夜防，家賊難防！一名港女表示，即使自己已將人工的3分之1上繳作家用，但仍經常被母親開銀包偷錢打麻雀，跟對方理論後，更被反指不孝，令港女倍感委屈，淚灑當場。

有女網民早前在「香港討論區」上，以「我阿媽偷我錢詔佢仲鬧我不孝」為題，指她的銀包內經常有銀紙「失蹤」，「一兩百一兩百唔見咗」，後來才發現原來是被媽媽偷去。本來樓主打算不理會，「當畀啲錢佢買吓餸打吓牌」，但最近竟試過剛提款的500元，隔天便不翼而飛了，令她感到忍無可忍。

由於認為媽媽的行為越來越過分，樓主日前就直接問對方，是否有從她的銀包裡偷錢，但媽媽就即時黑面否認；再三追問下，媽媽反而發火大罵，「話嗰少少錢都要同佢計住晒，又話細個養我用幾多錢，不斷講」。樓主為了解媽媽偷錢的原因，於是詢問對方是否身體不舒服，但媽媽就激動地罵樓主，「佢就話我咒佢死，佢只係拎啲錢去同師奶打牌」。

樓主對此感到相當委屈，「其實我覺得你開口問我拎，或者傾，我都會畀，但係你咁樣趁我唔知拎錢，就算屋唔屋企人呢個行為都係當偷，仲要惡人先告狀鬧返我轉頭」。樓主更表示，當時忍不住進房大哭。

事件引來網民熱烈討論，不少人認為事主媽媽的行為過分，「如果佢覺得冇問題嘅話，大可以開口問你攞錢用或者事後同你講返，但佢冇，而且仲走去偷偷地攞，好明顯佢都覺得攞錢既原因有問題」、「其實你媽真過份，雖然親生女，都唔應該偷」

同時，亦有網民認為樓主應與媽媽好好溝通，了解對方是否有經濟困難或是有賭癮，「我覺得真係要同你媽媽傾傾，話比佢知你返工賺錢唔輕易，問佢是否家用不夠，還是打牌輸多嬴少。有時打牌可能只是心癮，試下買部平板比佢打到夠」、「係唔係可以心平氣和搵佢出嚟坐低傾一傾先，了解下點解咁樣做先，明白偷嘢係唔啱，但係要知道真正原因先可以解決到問題」。

資料來源：「香港討論區」